HISTORIA LIBRI EZECHIELIS

CAPUT IV: De consolatione Jerusalem

#Ezech. XXXIII#Ezech. XXXVI

Et factum est in duodecimo anno transmigrationis undecimo mense, quinta die mensis, venit ad Ezechielem quidam, qui fugerat de Jerusalem dicens: Vastata est civitas. In praecedenti tamen vespere Ezechiel praedixerat, de nuntio futuro. Et audiens omnis transmigratio excidium urbis, et incendium templi, levaverunt vocem suam, et dixerunt: Periit spes nostra, abscisi sumus. Et exclamavit Ezechiel: Haec dicit Dominus: Cum sanctificatus fuero in vobis tollam vos de gentibus, et adducam vos in terram vestram; et effundam super vos aquam mundam, et mundabimini ab omnibus inquinamentis vestris..